好多人都有花名，近排因为《大酱园》、《法证先锋IV》多咗人讨论嘅朱晨丽个花名系马国明改喇！咁其他艺人嘅花名又点得嚟呢？
1. Morning朱-朱晨丽
马国明同朱晨丽拍剧熟咗，佢觉得改咗花名嘅人都会红，所以帮朱晨丽呢翻译做英文，改做「Morning Beautiful朱」，不过后来觉得太长，之后就叫佢「Morning朱」。但其实朱晨丽讲过好，觉得个名好怪，不过马国明要咁叫冇办法，所以先继续用。
个名
难顶
(TVB电视截图)
2. 大公仔-关菊英
佢解释过自己唱歌风格幽怨，个人大份，人哋以为佢好大个，但其实佢得14岁，唔系好识讲嘢，仲成日问人嘢，狄波拉觉得佢思想仲系小朋友咁天真，于是叫佢「大公仔」。关菊英仲话嗰阵个样成个公仔咁，眼大、长发，所以幕后都咁叫佢。
3. 伊面-郑伊健
因为「伊健」同「伊面」发音很好似。
(电影截图)
4. 臭四、四万-郑秀文
佢曾接受《娱乐3兄弟》访问讲番当年会有「郑臭四」称号全因自己又肥又脾气差，不时凶人。 但信教后佢脱胎换骨，性格温婉，于是被改名做「四万」。
5. 毛毛-毛舜筠
佢喺电影《龙的传人》饰演周星驰嘅师妹毛毛，加上佢姓毛。
(电影截图)
6. 马神-马德钟
唔少网民将佢嘅相key落唔同相度，发现点key都好衬，自此佢成为「万能key」，更加被神化叫做「马神」。
(网上截图)
7. 阿仔、柠檬-谢霆锋
佢成日喺传媒面前以「阿仔」称呼谢霆锋，时间耐咗啲记者都咁叫，谢霆锋都觉得亲切啲，默认咗个称呼；而「柠檬」就系谢霆锋个名嘅谐音。
(东星图片)
8. 阿B-锺镇涛
「温拿乐队」系采用AB主唱制，A主唱系谭咏麟，B主唱系锺镇涛，后来大家就自然叫佢做「阿B」。
(锺镇涛微博截图)
9. 囉囉挛-罗乐林
罗乐林呢个名嘅国语谐音同「囉囉挛」好相似。
10. 海潮-温碧霞
佢喺1992年剧集《火玫瑰》饰演海潮一角，瞬即成为观众焦点、深入民心，自此大家就咁叫佢。
11. 四哥-谢贤
佢家中有8兄弟姊妹中排行第4，加上「哥」字以示尊敬。
(米雪facebook截图)
12. 大哥-森美
森美解释过，佢话有几年成日听新人嘅节目，话佢哋「嗰日咁唔啱」、「你应该咁讲」，讲成3、4个钟，于是有咗呢个称呼，佢就自嘲话人哋觉得佢好麻烦所以先咁叫佢。
13. 麦包-麦长青
佢从小锺意食面包，而且细个圆润、黑黑实实，朋友都咁叫佢。后来佢入咗TVB被选入《闪电传真机》，监制提议佢用花名亲切啲，佢就献出呢个名。
(黄智贤微博截图)