陈自瑶认一早知翠如怀孕
曾陪对方走过小产低谷 无追问性别最紧要健康顺利
胡定欣、陈自瑶（Yoyo）、袁伟豪与太太张宝儿跟囝囝“袁咕碌”及马诗慧等今日（17日）到启德出席精品店开幕，对于好友黄翠如今日宣布怀孕喜讯，Yoyo听后即掩面表示开心到想喊，并指早已知翠如怀孕了一段时间，但是这麽重要的事情，应该留待对方在适合的日子和时间公布比较适合。
提到翠如暗示自己曾经小产？Yoyo说：“呢啲事我都知，我哋一齐走过高山低谷，至于再深入就留返俾佢自己讲，（你会做契妈？）呢啲只係一个虚名，係真心戥佢开心，（会唔会特别照顾佢起居饮食？）我已经隔得太耐，个女隔咗10几年，等Shiga（连诗雅）传授，佢近啲，啱啱生完冇耐，至于成长嗰啲嘢我就俾啲可以意见。”
至于翠如做妈妈是否受到她与Shiga感染？Yoyo就指不会，因翠如与萧正楠也很喜欢小朋友，这些都是上天给他们的礼物。
提到Yoyo和Shiga先后诞女，觉得翠如会不会也是生女？她说：“我真係唔知，佢哋非常神秘，呢啲小秘密留俾佢哋自己，我冇追问亦冇八卦，无论男女都好，最紧要係健康同顺利。”
至于是否会再抽时间多点陪翠如？Yoyo谓之前也有约出来食饭倾偈，不过她现在应该需要休息，问是否有妊娠反应？她表示每个准妈妈都有一点：“得閒都会陪住佢，但佢有老公陪，会锡佢。（谂咗买咩礼物俾佢未？）由今日开始谂！”
袁伟豪指儿子今日是一岁正日生日，早前已为他跟朋友及其他BB一同开了生日派对，他笑指儿子在百日宴也见过好多人，所以不怕生，张宝儿则表示儿子正在想学行，不过私心就不想，因听闻爬行对BB的脑部发育较好，又笑言袁咕碌早前早前懂得拿着饭碗自己吃饭，是他送给自己最好的生日礼物。
问到他们现在是否适当时间追多个？张宝儿即问袁咕碌是否想做哥哥，不过袁咕碌即时拧转面，非常搞笑。他俩又指平常在家没有好人和坏人之分，又谓谁陪儿子多，儿子就跟谁，袁伟豪更开心地表示儿子是先叫“爹爹”。
提到黄翠如今日宣布怀孕喜讯，袁伟豪表示很替他们高兴：“翠如係我好拍档，我哋拍《使徒行者2》，一路睇住佢成长经历，而家知佢哋多咗个身份，好期待我哋嘅小朋友将来一齐开party。（翠如有冇去你个仔生日会？）冇嚟到，但我哋久不久都会一齐食饭。”
同场的胡定欣指获好友兼老闆娘胡曦文送赠了七彩手表，定欣透露对方更叫自己帮忙设计手袋，令她勾起儿时做时装设计师的梦想：“我俾咗少少意见，佢就用咗我最锺意嘅紫色，再印埋我嘅英文名缩写上去，我觉得好好玩，睇吓迟啲有冇机会合作，将NW（其英文名缩写）变成一个品牌。（送俾妳隻錶好贵？）收礼物冇问价钱，应该都OK嘅。”
定欣又谓近年受好友影响储手表，因为够保值，不过就自爆曾买纯金表，但因太重所以换掉，问到今年有那麽好的成绩，是否也会买份礼物奖励自己？她说：“如果有机会，都係唔错选择，套剧拍得咁辛苦。”