广东夫妻因为老公一句话，引发老婆几度发飚

广东夫妻因为老公一句话，引发老婆几度发飚，越讲越兴，从此不敢开口，非广东省的朋友请自带翻译！
“死佬，我件衫好似窄咗㖞！”
“边度有呀？係，二妹，我哋饭又食完咯，屎又屙完咯，不如出去散下步锻炼下？”
“你咩意思啊？你家下变相嫌我肥啊？”
“冇啊！我点敢嫌你肥啊！你娇小玲珑，婀娜多姿嘅身体，你点会肥啊？肥嘅永远系人哋！如果你懒得去，咁我哋咪唔去咯。”
“呵！咁你依家系咪又兜个弯嚟话我懒啊？”

“唔系啊！畀个水缸畀我做胆，我都敢话你懒啦！咁你好好休息下，我自己落去行下啦！”
“企係度！我睇你自己想去系嘛？楼下有条女等你呀？”
“你乱讲啲咩啊？你可唔可以冇成日无理取闹啊？”
“我无理取闹？你系咪觉得我好似神经病咁成日冇事揾你嘈交啊？”
“冇冇冇冇冇，我讲错嘢之嘛！你有怪莫怪，怪细佬仔唔识世界啊！我错咯！我错咯！”
“你错？你错又唔同我道歉？”

“咁我对唔住你！对唔住你爸！对唔住你妈！对唔住你全家！”
“哼，一句对唔住大嗮啊？”
“咁你想点啊？我依家都敢讲嘢喇。”
“唔得！你必须讲，你必须畀一个合理嘅解释我，唔系我就勾跛你只脚！”
“咁我讲咯，你依家想我讲咩啊？”
“唔使喇！你依家讲咩我都唔想听啊！唔想听！唔想听！同我躝出去！”

“衰多口！衰多口！”老公只好自打嘴巴。
故事到此结束，听得懂吗？