中国男子田径短跑运动员苏炳添进行了主题演。
南都讯 12月5日上午，“时代精神耀香江”东京奥运会内地奥运健儿与市民有约报告会在香港理工大学举行，中国男子田径短跑运动员苏炳添用粤语进行了主题演讲。
“要相信自己做到，才有机会成为可能。”在发言中苏炳添表示，之前出现的伤病一度让自己成绩停滞不前，压力很大。“不过，挑战身体极限突破年龄限制，都让我感觉到热血沸腾。好多例子证明只要通过自身努力同科学训练，世界选手可以做到的，中国选手都可以做到。事实亦是如此！”
苏炳添
以青春之我 担时代之责
大家上午好！我係田径运动员苏炳添，好荣幸参加呢次“时代精神耀香江”之内地奥运健儿访港交流”活动。见到台下大家热情嘅面孔，我感到无比激动同温暖。
係今年东京奥运会上，中国体育代表团收获38金，32银，18铜，以88枚奖牌总数取得辉煌战绩，香港地区取得1金、2银、3铜嘅优异战绩，我哋一齐携手係东京打咗场大胜仗，让五星红旗一次又一次高高升起，抒写了中华民族嘅荣光。我都係本届奥运会上再次突破，以9 秒83嘅成绩打破了亚洲纪录并企上了奥运百米男子决赛嘅跑道！有人话苏炳添係亚洲嘅神话，但我认为係中国体育一代代田径人嘅拼搏与传承换嚟嘅成果。20年前，我嘅前辈刘翔，以12秒91嘅成绩企上冠军领奖台向世人证明黄种人可以係奥运田径直道项目进入前8！”20年后，我以9秒98嘅成绩，摞到决赛第6名，好荣幸自己成为中国第二位係奥运田径直道项目上实现突破嘅人，同时向世界证明亚洲人都可以跑入10秒，跑入决赛！
比赛后，网友为咗表达对我嘅支持同厚爱，称呼我为“苏神”，但我心目中都有个苏神，佢叫苏桦伟。我谂在座嘅香港同胞都知道佢嘅故事，佢代表香港参加过4届残奥会、摞到6金3银3铜嘅好成绩，同时保持多项世界纪录。佢嘅成长故事被翻拍成电影，今年9月份係内地上映，前段时间，我係社交网络上推荐咗呢部电影，因为我係苏桦伟嘅身上见到两地青年为咗梦想、奋斗嘅同一种信念——就係不向命运低头、排除一切困难，为咗梦想拼搏向前！係呢度，我想分享一啲我嘅追梦故事。
我受过挫折，遇到过瓶颈，经历过低谷。细个果时，同好多男仔一样，我从细就钟意睇香港嘅武侠小说，最爱金庸先生嘅笑傲江湖、天龙八部等，所以我深信“天下武功，唯快不破”，亦都係从果阵时，我梦想有一日成为跑得最快嘅追风少年。2004年，我15岁，以11秒72嘅成绩摞到我人生第一个100米男子短跑冠军，我嘅田径追梦之路亦都係从呢一刻拉开序幕。我身高只有1米72，100米要多跑7步。意味着我必须付出比其他人更多嘅努力，先可以同顶尖嘅跑手“拗拗手瓜”。年龄同伤病亦都係我必须克服嘅难题。2019年，我受到腰伤同骨裂嘅困扰，对于30岁嘅我嚟讲真係沉重一击。係受伤康复嘅过程中，田管中心同我身边嘅团队俾咗我巨大嘅支持同帮助，令到我可以度过最艰难嘅时刻。我净係想再跑一次，再搏一次。终于，係大家嘅共同努力下，我走出低谷，係东京奥运会上，实现自己嘅梦想！
係呢度，我想分享3点体会，希望带俾各位少少启发：第一，坚定奋斗目标，并为之不懈努力。仲记得我刚入省队训练果阵，我无意间听到队友倾计，一个话：“我今日俾你快0.01秒”，另一个话：“0.01姐”？我就谂：“只要我每日都比你快0.01秒，咁你就唔使跑赢我”。从果日开始，我就想方设法地提高速度，每日比自己设定目标要快0.01秒。呢个目标一直激励我不断提高，从最早100米11秒72，到10秒59，再到10秒06。直到2015 年北京世锦赛，我跑到9秒99，成为第一位世锦赛跑入男子百米决赛嘅亚洲运动员。果一年，我26岁，我嘅目标随着我成绩不断进步有了更高嘅设定。
第二，要相信自己做到，才有机会成为可能。运动员难免出现伤病，我受伤后成绩一度停滞不前，国外亦成长起大批短跑人才，突然发现我要面对更多嘅竞争对手。坦白讲，过段时间係我压力最大、同时会质疑自己係米仲可以继续坚持落下去。不过挑战身体极限突破年龄限制，亦都係令我感觉到热血沸腾。28岁过年，我问自己仲想唔想跑，如果想，就要相信办法总比困难多。係我坚定内心，相信自己终有可能果阵，我瞬间释然了。因为好多例子证明只要通过自身努力同科学训练，世界选手可以做到，中国选手都可以做到。事实证明亦都如此！
第三，时刻保持感恩，始终胸怀祖国。我由一名懵懂无知嘅少年成长为一名国家队运动员，回顾自己走过嘅路，无疑我係幸运嘅。我感恩老师嘅启蒙，感恩教练带俾我嘅突破，感恩家人长期嘅支持同陪伴，更感恩国家同团队对我嘅培养。係田径队一路成长，国家同团队俾咗我最大嘅支持。同时得益于祖国嘅强大，我可以接受到系统科学嘅训练，得到了更多到国际大赛锻炼同学习嘅机会，得到了更专业嘅科技同康复保障。受伤期间，国家帮我搵最好、最先进的治疗师同康复手段帮助我恢复。係运动技术诊断上，邀请咗国际知名力学专家，同我分析跑步技术同提出改进建议......得益于有力保障，先可以令我心无旁骛，全力以赴投入训练同比赛。
所以我取得嘅突破都源于国家嘅强大，我感恩于呢个伟大嘅时代，感恩于国家给予我哋嘅一切。正因为心中保持感恩，始终胸怀祖国，才让我燃起斗志，充满信心，坚定要为中国人、为亚洲人争气嘅决心！作为一名体育人，敢于争先、勇于拼搏的精神一直流淌在我的血液之中，激励我向着“更高、更快、更强”的目标前进。
今天在这里，看着亲切的香港同胞，看着你们青春朝气的面庞，感受着你们对体育运动的热爱，让我更加坚信，未来会有更多的亚洲选手、中国选手可以站在奥运男子百米决赛的起跑线上！也希望这种体育精神能不断激励着我们内地和港澳的青年同胞携手并进，共同进步！谢谢大家！
采写：南都记者 董晓妍
摄影：南都、N视频记者张驰 陈艺丹