TVB现役最美港姐陈凯琳（Grace）的母亲陈刘惠娴（Connie）接受电台节目主持人车淑梅访问，她表示今个母亲节最热闹，因她多了新抱，也添了孙儿，子女们已预告母亲节会为她亲自下厨或外出用膳庆祝，笑言已准备任由他们摆布，总之健康开心，日日都是母亲节。
有指Grace与弟弟Derek样子似印度人，而外界将这龙凤胎标致外貌与大女儿Joyce作比较，坊间亦流传大女儿曾因妹妹较漂亮而感到自卑，她说：“其实Grace同Derek龙凤胎出世嗰阵，同大家姐一样非常白净！”
她更拆解3个原因可能令两姊弟样子突变：“但突然喺14、15岁嘅时候眼大咗、脸尖咗，阿仔须根多咗，可能我嘅妈妈系马来西亚人，拥有亚裔嘅容貌，细路又喜欢户外活动，又或者加拿大嘅食物有好多贺尔蒙啦！”
她又指在Joyce 14、15岁进入青春期，曾问大女如妹妹较靓可会不舒服，大女表示不会，因为Grace是她妹妹，更指其他人不可用容貌分裂亲情。Connie又指Grace爱家庭，好爱家姐及崇拜家姐。
提及Grace事业刚起步便受到郑嘉颖热烈追求，传闻当时陈妈妈并不接受，Connie直认不讳：“系呀！1.我唔认识佢（嘉颖）；2.听闻佢好花弗；3.年纪都有少少影响，怕佢只系玩玩吓。但我唔可以一刀切，始终大家都系成年人，我初时唔想见佢，因为我惊唔知点面对佢同相处。我真系好惊，好唔开心，唔知点算好，因为呢次系Grace嘅初恋，Grace就提议大家分开祈祷，结果，祈祷中，上帝要我主动去认识佢……”
Connie记得首次见嘉颖，他表现好热情和有礼貌，是诚实好孩子，值得尊重，她说：“心入面系唔应该谂佢抢咗我个女，或者佢哋2、3年之后会散啦，更唔应该无奈地、死死气地承认佢哋一齐……（于是）我继续祷告，经过多次沟通，我哋先至互相接纳，至可以融为一体。”
问及Grace与嘉颖拍拖3年就结婚是否太快？她觉得是Good Timing：“呢个女婿好热情，好尊重两个老人家，第一次见面就送我老公一支极名贵红酒。平时我同佢（嘉颖）常会通讯息，我凑紧孙又会打电话畀佢，佢又会即刻接，我哋冇隔膜！”
她又大赞女婿：“郑嘉颖结婚之后，我更加认识佢，佢以家庭为重，重到我要叫佢减啲，唔好咁夸张，佢成日问，两个仔大咗会唔会唔够钱用，惊住通货膨胀，成日问老婆舒唔舒服，我话佢依家已经好好，佢话应该仲可以好啲，成日叫Grace唔好悭钱，要用就用！佢又会神神秘秘买个靓手袋送畀Grace，仲同Grace讲‘唔知点样去多谢你，我真系好爱你！’
佢（嘉颖）对妈妈、家人，甚至工人都好好，我以为佢系讲嘢大声嘅大男人，原来佢好细心、好窝心、好体贴！我呢个女婿好似红酒，初试一啖未开透，未饮出味道，一路饮一路开，味道会变化多端，愈来愈好，可能以后仲会有另外一个境界！我好爱佢，真系好爱佢，佢好抵锡！我畀佢101分，嗰一分系上帝额外加上去嘅！”