一路走好！廖启智安息礼今日举行 一众圈中好友送别
廖启智（智叔）上月不敌癌魔逝世，终年66岁，其安息礼今日（20/4）于尖沙咀圣安德烈堂举行。疫情关係，安息礼不设公祭，大众可透过网上直播追思。
提到安息礼上有两款遗照，其中门外一幅智叔站在万里长城的照片，智叔太太陈敏儿便说：「是智叔自己拣的遗照，所以还他心愿拣咗放门口，但因没有人用戴太阳眼镜做遗照，自己就再拣咗张靓仔做遗照。」
智叔妻子陈敏儿分享时，便透露当年他们曾请两个月假做背包客穷游欧洲：「点知计错数，佢要买张单程贵机票，赶返香港开工，我就等三个钟，继续搭平机票返香港，佢入闸前掉转头望我，喊咗出嚟，我亦忍唔住，流泪眼对流泪眼，好彩冇人问我哋係咪因为移民。」
而大仔廖文哲发言时，便指自己率性随心，父亲则纪律性强，所以青少年时与父亲关係不佳，更曾度怀疑彼此的爱。
他说：「我以为爸爸唔锺意我，但係每次我喺澳洲读书返嚟，喺机场睇到佢嘅笑容，我知道佢係从心底里想见到我。」
他又透露小学高年级时，要求自己一个人返学放学，智叔说好：「佢担心但尊重自己嘅决定，但原来佢有几次偷偷跟喺我身后，确保我嘅平安，佢对我嘅爱接近沉溺程度！」
至于二仔廖文信便说自己从事製作后，不时向父亲问意见，又指自己成为了父亲「最后一个学生」：「喺医院时我读故事畀你听，你教我抑扬顿挫，成为咗我哋之间嘅新活动。」
智叔生前好友方中信受访时哽咽表示：「其实喺上年11月时知道智叔得到呢个病入咗医院，为咗唔骚扰到佢，我係冇去到去探佢。因为我知道呢个病唔係咁容易医得到，所以想留番多啲空间畀佢休息。智叔而家离开咗我哋，我真係好唔捨得。」
而鲍起静激动落泪表示：「我好欣赏佢对每样工作都揸到好实，佢永远都唔会放弃，睇到佢每一部电影都做得咁好。而我同佢做过舞台剧，每一场佢都做到好稳定，觉得佢好犀利又好专业。同埋佢好关心我哋嘅电影圈及所有我哋嘅发展，相信佢去到上天都一样冇变。」
米雪表示最怀念智叔的跑步英姿，她说：“智叔跑姿好靓，记得自己初初加入，佢好照顾我。”
方中信一度哽咽不能说话，片刻后续说：“同智叔合作电影《无双》后，周润发叫大家一齐跑步，已经4年，睇住佢好开心、好开朗，直到佢离开我哋，真系好唔舍得。（最后几时见面？）最后一次见面系上年11月尾，冇去医院探佢，唔想骚扰佢，都知道佢呢个病唔系容易医好。（送别智叔最后一程已经冇遗憾？）冇遗憾，大家一齐跑步呢几年，睇住佢个人变得开朗、开心。”
问到可担心陈敏儿的情况？米雪表示：“唔担心，佢好坚强，喺仪式上带领我哋送别智叔。”