今次女神倾巢而出，仲唔箍到班宅男晚晚煲剧！
无线五月将会开拍新剧《七公主》(暂名)，而「七公主」的名单亦首度曝光，贵为无线「七公主」，当然全都是力捧兼有实力的人，她们就是黄翠如、林夏薇、高海宁、江嘉敏、刘佩玥、邝洁楹及陈晓华，既有实力派，又有可索性高的小花，而宅男女神陈滢亦会为此剧客串。不过「公主」唔一定配「王子」，此剧冇「王子」，只得三位实力演员徐荣、郑子诚及陆永任「公主」选择。
江嘉敏
陈晓华
邝洁楹
刘佩玥
据知，今次剧中角色都是为主角们度身订造，很多更是她们未演过的，翠如会饰演一名律师，她接受访问时谓：「今次呢个角色好有挑战，我都好多谢监制，上年年中佢已经话会搵我拍剧，我都好期待，而呢个律师系一个好叻、好狠嘅律师，唔同平时好Soft嘅我，而且当中有好多法庭嘢，要好准确，所以最近我都不停咁睇好多电影、电视剧，好似英国同无线嘅法律剧，本身我都好想试吓去法院旁听，但系最近唔可以啦，会迟啲先去，依家有少少剧本，都分析紧角色同睇吓点演。」说到剧中多女仔，翠如谓：「其实我未同过高Ling同夏薇合作，而剧入面我哋三个嘅性格都好唔同·所以出嚟应该几得意。」翠如被问到三位男演员中会拣谁与她做一对时，她谓：「其实呢三位男演员我都未一齐拍过剧，不过如果畀我拣，我系拣陆永啦！我直头当佢系屋企人咁，如果变成情侣都几得意，希望有一日我可以同佢拍感情戏，应该好史诗式！」
梗
黄翠如今次做律师，唔知可以去到几Cool呢？
而高海宁今次剧中的角色都相当特别，她饰演一名性格Man爆又豪迈的司机，相当破格。高Ling受访时说：「个角色好麻甩，我会剪短头髪，比以往更短。（使唔使扎胸上阵？）尽扎啦！可能我到时会着啲松身衫，依家都练紧擘大对脚坐，讲嘢把声又粗啲、语气低啲咁，我都问始读紧剧本，啲对白都好倔。」问到拍女人剧会否怕多是非时？她谓：「呢个我又一啲都唔担心喎！本身我个人好易相处，唔担心，同埋江嘉敏、陈晓华我都合作过，翠如、薇薇又识。」她又表示剧中自己身边好多男仔团团转，她谓：「其实我同郑子诚合作过几次，感情戏喺《爱情食物链》都试过，陆永喺《婚姻合伙人》就做过我细佬，相反徐荣我未合作过，如果畀我拣，我想拣佢，可能会有新火花。」
高Ling扎胸？What？
而林夏薇受访时指剧中自己是一个共享空间的经理，她坦言：「今次的角色好吸引到我，是之前未试过，情绪起伏好大，对我嚟讲系大挑战，希望突破自己。今次同翠如都系第一次合作，高Ling就继《单恋双城》后到依家先再合作。（怕唔怕女人戏是非多？）开工都系做好自己本分工作，So far咁多年我开工都冇是非，因为我一开剧就会喺角色世界入面，好难有是非！」问到三位男士最想选择谁做一对时，薇薇谓：「其实我最熟嘅系徐荣，因为之前ー齐去澳门拍《乘胜狙击》，戏份都多，所以大家熟啲。」
林夏薇话新角情绪起伏好大，系一个挑战！